Татарның әдәбиятында гына түгел, ә тулаем милләт язмышында мөһим затлардан саналган Габдулла Тукай шәхесе һәм иҗаты яшь буынга яңа яктан ачыла килә. Шулай да аның тормышындагы һәм иҗатындагы ак таплар тикшерелеп беткән дип әйтә алабызмы? Фән өлкәсендәге бүгенге яшьләргә Тукай феномены кызыклымы? Әнә шушы һәм башка сорауларга җавап табу өчен Г. Ибраһимов исемендәге Тел, әдәбият һәм сәнгать институтының Чагыштырма татар белеме лабораториясе мөдире, филология фәннәре кандидаты Марсель Ибраһимов белән әңгәмә кордык...