Бөрйән яңылыҡтары

Тиҙҙән, 24 апрелдә, Көрәш һарайында Башҡортостандан титуллы боксер Артур Собханғолов Тажикстандан Баходур Усмонов менән осрашасаҡ. “IBA. PRO 17” профессиональ бокс кисәһе Матч ТВ (12+) аша трансляцияланасаҡ. Шулай уҡ Көрәш һарайында меңәрләгән тамашасыға иҫәпләнгән ҙур зал бар. Сөнки бындай шоуҙы тере килеш ҡарау - бөтөнләй икенсе тарих!

Талҡаҫ күле буйында 2000 ҡарағай ултыртыласаҡ 25 апрелдә Баймаҡ районында сираттағы «Таҙа Талҡаҫ» экологик акцияһы үтәсәк. Уның барышында Талҡаҫ күле янында 2000 ҡарағай ултыртыласаҡ. Сараны Башҡортостан Республикаһы Башлығы Гранттары Фонды булышлығында Баймаҡ районы хакимиәте, БР Экология министрлығы һәм БР Урман хужалығы министрлығы менән берлектә Башҡортостан Республикаһының "Ир-егеттәр советы" аталыҡ ролен күтәреү буйынса төбәк йәмәғәт ойошмаһы ойоштора. - Талҡаҫ күле янында экологик өмәләр 2020 йылдан алып йылына ике тапҡыр үткәрелә. Был ваҡыт эсендә бөтәһе 8 сара үтте, улар сиктәрендә 679 тоҡ сүп-сар йыйылды. Һыу кимәлен һаҡлап ҡалыу һәм күлдең һайығыуын булдырмаҫ өсөн 2024 һәм 2025 йылдарҙа һыу ятҡылығының төньяҡ өлөшөндә 400 ҡарағай ултырттыҡ һәм кәртәләп ҡуйҙыҡ, – тип аңлатма бирҙе Башҡортостан Республикаһының "Ир-егеттәр советы"  төбәк йәмәғәт ойошмаһы рәйесе, Рәсәй Федерацияһы Дәүләт Думаһы депутаты Зариф Байғусҡаров. Территорияны һаҡлауҙы тәьмин итеү, хайуандарҙың һәм автомашиналарҙың инеүен сикләү өсөн экологик өмә үткәрелгән көндә аллея ултыртыласаҡ участка тирәләй ҡойма ҡуйыу, шулай уҡ Талкаҫ күле буйында сүп-сар йыйыуҙы ойоштороу планлаштырыла. Сарала ҡатнашыу өсөн Баймаҡ һәм Әбйәлил райондары, Сибай ҡалаһы халҡы һәм тыуған ерен яратҡан һәм Талҡаҫ күлен һаҡлауға һәм төҙөкләндереүгә шәхси өлөш индерергә теләгән һәр кем саҡырыла. Һеҙҙең ҡатнашыуығыҙ был тәбиғәт объектын киләсәк быуындар өсөн таҙа һәм матур итергә ярҙам итәсәк. Өмәгә йыйылыу ваҡыты иртәнге сәғәт 10-дан 11-гә тиклем. #Советмужчинрб #озероталкас #экологическийсубботник #зарифбайгускаров

Башҡорт теленән халыҡ-ара диктант. Хөрмәтле дуҫтар! 2026 йылдың 17 апрелендә 11 сәғәттә “Башҡорт теленəн халыҡ-ара диктант” белем биреү акцияһы үтә. Диктант яҙыу түбәндәге кимәлдәр буйынса ҡаралған: - башҡорт телен башланғыс кимәлдә белеүселәр; - башҡорт телендә иркен аралашыусылар; - башҡорт теленең төньяҡ-көнбайыш диалектында аралашыусылар. БСТ каналында тура эфирҙа йә рәсми сайтта bashdictant.ru теркәлеп яҙырға мөмкин. #БашҡортТелендәДиктант #башдиктант #башдиктант2026 #ДиктантПоБашкирскомуЯзыку #БашҡортсаДиктантЯҙам

Компьютер уйындары сая аҡыл, отҡорлоҡ, тиҙ ҡарар ҡабул итә белеүҙе талап итә. Геймерҙарҙан шәп дрон операторҙары килеп сыға. Уйнай беләһегеҙме һәм яратаһығыҙмы? Әле пилотһыҙ системалар ғәскәрҙәренә ҡабул итеү бара. Тулыраҡ мәғлүмәт: – сайт: башбат.рф – МАХ-та чат-бот: max.ru/...bot – 122 телефоны.