Буянне жыцця

Мая бабуля заўсёды спальвала вычасаныя валасы і мяне навучала. А ў якасці паяснення: "Так трэба!". Што можна супрацьпаставіць такому аргументу?!)) Аказваецца, існуе вера ў магічную сувязь паміж чалавекам і яго валасамі. Трапіўшы ў чужыя рукі, вычасаныя валасы маглі стаць зброяй супраць гаспадыні валасоў. Часам жывыя людзі клалі ў труну блізкага чалавека кудзелку валасоў (ці зразалі локан з галавы нябожчыка і потым зберагалі пры сабе), каб захаваць сувязь з яго душою (для паслаблення такой сувязі неабходна было пасыпаць галаву пеплам)...

Ці чулі вы калі-небудзь: "сплюнь тры разы"? Я чула, і не раз. Узяўшы ў рукі кнігу "Міфалогія Беларусі" Т.І. Шамякінай я зразумела, што справа ў асаблівасцях старажытнага мыслення: магія. У аснове магіі ляжыць вера у прычынна-выніковую сувязь паміж рознымі з'явамі, імкненне чалавека паўплываць на прыроду. Амбіцыйна! Плюнь тры разы праз левае плячо ў адказ на пахвалу (Лічыцца, што злева ад чалавека стаіць чорт, справа - анёл, і мы плюём у чорта, каб не сурочыў...