4764 подписчика
️Кызылдың газчыдылгазын 10,5 млрд рубль деп үнелээн.
Төлевилелдиң бирги чадазында суугаткан углеводородтуг газче (СУГ) 2,5 муң бажың болгаш ийи котельнаяны шилчидери планнаттынган. Газчыдылга ниитизи-биле 8 781 хуу бажыңны база ийи улуг котельнаяны хаара тудар. Ажылдарны дүүштүрер дээш автономнуг газчыдылганың регион оператору шагда-ла тургустунган.
Владислав Ховалыг Петербургтуң делегейниң экономиктиг шуулганында (ПМЭФ) ТАСС-тың журналистеринге микрорайоннар коштунган тудум, дериг-херексел тургускан соонда, баштайгы одалга сезоннарында-ла ыш-хөөзүнүң деңнелиниң кудулаары манаттынып турарын дыңнаткан. Ооң-биле чергелештир төлевилелди боттандырары-биле ӨРТЕКТЕРНИ болгаш субсидияларны таарыштырар айтырыгларны шиитпирлээр херек. Чүге дизе СУГ биржа барааны болур.
Кызылдың газчыдылгазы «Арыг агаар» федералдыг төлевилел-биле боттанып турар. 2030 чылга чедир Тываның найысылалында хоралыг бүдүмелдерниң хемчээли 2020 чылга деңнээрге, ийи катап кызырлыр ужурлуг.
👍👍👍
Около минуты
11 июня