13 подписчиков
Toshkent davlat tibbiyot universitetida navbatdagi Ilmiy kengash yig‘ilishi yuqori saviyada o‘tkazilib, unda universitet rahbariyati, professor-o‘qituvchilar, ilmiy xodimlar hamda soha mutaxassislari ishtirok etdi.
🔺 Yig‘ilish davomida universitetda ilmiy faoliyatni yanada rivojlantirish, ilmiy izlanishlar samaradorligini oshirish hamda ustuvor ilmiy yo‘nalishlarni belgilash masalalari atroflicha muhokama qilindi. Kun tartibiga muvofiq professor-o‘qituvchilarning ilmiy-tadqiqot ishlari, innovatsion loyihalar, xalqaro hamkorlik aloqalari hamda ilmiy maqolalar nashri yuzasidan hisobotlar tinglandi.
🔺Tadbir davomida ilm-fan rivojiga munosib hissa qo‘shayotgan professor-o‘qituvchilar va iqtidorli yosh olimlar faoliyati alohida e’tirof etildi. Bir qator professor-o‘qituvchilarga professor, dotsent, fan doktori hamda falsafa fanlari doktori ilmiy unvonlari tantanali tarzda topshirildi.
Shuningdek, ilmiy kengash doirasida bir nechta talabalarga Berdaq nomli nishonlar topshirilib, ularning ilmiy va ijodiy yutuqlari munosib rag‘batlantirildi.
🔸Yig‘ilishda ilmiy faoliyatda ochiqlik va shaffoflikni ta’minlash, dissertatsiya jarayonlarini zamonaviy talablar asosida tashkil etish hamda korrupsiyaga qarshi kurashish mexanizmlarini kuchaytirish masalalariga ham alohida e’tibor qaratildi.
✈️ Mazkur Ilmiy kengash yig‘ilishi Toshkent davlat tibbiyot universitetida ilmiy muhitni mustahkamlash, innovatsion yondashuvlarni keng joriy etish hamda zamonaviy tibbiyot fanini rivojlantirish yo‘lida muhim ahamiyat kasb etdi.
✅Rasmiy sahifalarimiz!
1 минута
26 мая