13 подписчиков
🔺 Toshkent davlat tibbiyot universitetida prorektor va tyutorlar ishtirokida muhim uchrashuv bo‘lib o‘tdi
🔺Uchrashuvda Yoshlar masalalari va ma’naviy-ma’rifiy ishlar bo‘yicha birinchi prorektor Bobomurodov Turdiqul Akromovich tomonidan talaba-yoshlarning bo‘sh vaqtini mazmunli tashkil etish, ularni sport-sog‘lomlashtirish tadbirlariga keng jalb etish, sog‘lom turmush tarzini targ‘ib qilish hamda yoshlarning ijtimoiy faolligini oshirish masalalari atroflicha muhokama qilindi.
🔺Shuningdek, bugungi kunda amalga oshirilayotgan “Yangi O‘zbekiston” islohotlari, yoshlarga yaratilayotgan keng imkoniyatlar, ta’lim tizimidagi yangilanishlar hamda talabalarning ushbu jarayonlardagi faol ishtiroki muhim ekani alohida ta’kidlandi. Talaba-yoshlarni vatanparvarlik ruhida tarbiyalash, ularda milliy qadriyatlarga hurmat, yurt taqdiriga daxldorlik hissini kuchaytirish bo‘yicha tyutorlar oldiga muhim vazifalar qo‘yildi.
🔺Uchrashuv davomida yoshlar o‘rtasida halollik vaksinasi tamoyillarini keng targ‘ib etish, korrupsiya va turli salbiy illatlarga qarshi murosasiz munosabatni shakllantirish, universitetning ichki tartib-qoidalariga qat’iy rioya qilish, odob-axloq me’yorlariga amal qilish masalalariga ham alohida e’tibor qaratildi.
🔺Bundan tashqari, tyutorlarning faoliyat samaradorligini oshirish, talabalar bilan ishlash tizimini yanada takomillashtirish, ularning muammolarini o‘z vaqtida aniqlash va bartaraf etish bo‘yicha tegishli topshiriqlar berildi.
🔺Talabalarning yashash sharoitlarini o‘rganish, xususan, ijara xonadonlarida istiqomat qilayotgan talabalarni muntazam monitoring qilish, ularning xavfsizligi va yashash sharoitlarini nazoratga olish yuzasidan aniq vazifalar belgilandi.
Uchrashuv yakunida berilgan topshiriqlarni o‘z vaqtida, sifatli va mas’uliyat bilan bajarish har bir tyutor faoliyatining ustuvor yo‘nalishi ekani alohida ta’kidlandi.
✅Rasmiy sahifalarimiz!
1 минута
Вчера