13 подписчиков
Toshkent davlat tibbiyot universiteti O‘zbek va xorijiy tillar, pedagogika kafedrasi hamda 3-davolash ishi fakulteti talabalari tomonidan bahorning eng go‘zal va qadimiy bayramlaridan biri — Navro‘z munosabati bilan “Navro‘z – bahor nafasi” nomli ma’naviy-ma’rifiy tadbir yuqori saviyada tashkil etildi.
Tadbir avvalida 3-davolash ishi fakulteti dekani Rizayev E.A. so‘zga chiqib, barcha ishtirokchilarni Navro‘z bayrami bilan samimiy tabrikladi hamda ushbu qutlug‘ bayramning yoshlar tarbiyasidagi o‘rni, milliy qadriyatlarimizni asrab-avaylashdagi ahamiyati haqida iliq fikrlar bildirdi. Shundan so‘ng, dekan tomonidan tadbir tantanali ravishda ochib berildi.
Mazkur tadbir milliy qadriyatlarimizni asrab-avaylash, yoshlar qalbida vatanparvarlik tuyg‘ularini mustahkamlash hamda bahoriy kayfiyatni ulashish maqsadida o‘tkazildi. Tadbir davomida talabalar tomonidan tayyorlangan rang-barang chiqishlar, sahna ko‘rinishlari, milliy qo‘shiqlar va raqslar barchaga ko‘tarinki ruh bag‘ishladi.
✅Rasmiy sahifalarimiz:
Около минуты
3 дня назад