4761 подписчик
Өскелер дээш бодун уткан түрлүг орук,
Өске кижээ эриг баарлыг улуг чүрек,
Тыва черни шыва алган чоорган болзун.
Төндүр кылаштаар оолдар,кыстар чуртувуска шивээ болзун!
Чурту дээштиң амы-тынын харамнанмас,
Чүрээ өшпес, сыныш дивес тыва төлү.
Мерген-угаан, улуг чүткүл, шыдамыктың куяк хевин кедипкештиң,
моондактарны чара булгап эртип чорзун!
Тыва чуртче семеп келген шуурган хатты,
Туруш сиңген шивээ даглар уткуп турзун!
Чуртувусту амы-тындан артык санап,
Төрээн чер дээш кеживисти уттуптаалы!
Иргит Шолбан башкы.
#шүлүктер
Около минуты
20 марта