4759 подписчиков
⚡«Улуг Алтайның» хүлери: Тывадан студент Кежик Чыртак-Уруг Кыдатка делегей чергелиг маргылдаага хүндүлүг 3-кү черни алган! 🥉🥉🥉
Тыва Республиканың чыынды командазы III-кү кышкы делегей чергелиг «Улуг Алтай» деп спортчу оюннардан медальдарлыг ээп келген. Бистиң командавыс 3×5 км хаак эстафетазынга хүлер чаалап алган! 🥉🥉🥉
Пьедесталче көдүрүлген маадырларның бирээзи Тываның информастыг технологиялар техникумунуң сургуулу Чыртак-Уруг Кежик болган. Команда-биле кады ол эң бедик деңнелдиг белеткелдиин, шыдамыын болгаш езулуг командалыг тура-соруун көргүскен. 💪💪
Ол тиилелге — чаныш-сыныш чок белеткелдерниң болгаш тиилелгеже тура-соруктуң түңнели-дир! Делегей ареназынга төлептиг оюн-көргүзүү-биле Кежикке болгаш бүгү чыынды командага байыр чедирип тур бис!
👍💪💪
ТР-ниң Өөредилге Яамызының медээзи-биле.
Около минуты
4 февраля