4759 подписчиков
🌍Тывадан студент Яна Кожага Африкага БРИКС+ делегей чергелиг саммитке үшкү черни ээлээн.👍👍👍
Майның ортан үезинде Мурнуу-Африка республикага BRICS+ Youth innovation summit деп аныяктарның инновация саммиди болган. Россияның мурнундан экономиканың Дээди школазының (ВШЭ) беш студентизи, ооң иштинде Тывадан студент Яна Кожага киришкен.
Яна БРИКС чурттарында ховар, чидип бар чыдар эвээш санныг чоннарның дылдарын өөренип, кадагалаар Ekii капсырылга төлевилели-биле «Өөредилге технологиялары» секцияга үшкү черни ээлээн.
Яна сагыш-сеткилин үлешкен:
- Төлевилелимниң кол темазы-национал эвээш санныг чоннарның дылдары болганда, тыва национал идик-хевим кедип алгаш, харын-даа тыва дылга чугаамны эгелээр деп шиитпирледим. Африканчыларга дыка таарышкан. Делегейниң аңгы-аңгы чурттарындан келген кижилерниң мурнунга бир дугаар англи дылга үнүп турган мен, ынчангаш арай дүвүреп турдум. Ынчалза-даа ооң соонда хөлзээшкин эрткен. Мээң төлевилелимге дыңнакчылар дыка сонуургалдыг болду... 💪
Около минуты
30 января