787 подписчиков
Бүгүн, тохсунньу 13 күнүгэр, бэчээт үлэһиттэрэ идэлээх бырааһынньыктарын, Арассыыйаҕа бэчээт күнүн бэлиэтииллэр. Бу күн сүрүн төрүөтэ - 1991 сылтан бэттэх ылаллар. 1703 сыллаахха Арассыыйа «Ведомости» хаһыат үлэлээн саҕалаабыт. Ыраахтааҕы Бүөтүр I ыйааҕынан дьоннор биир сиргэ түмсэн уларсыһа сылдьан хаһыат ааҕаллара.
Оччотооҕу олох ааһан, бэчээт сайдан барбыта - «Московские ведомости», онтон «Российские ведомости» тиражка тахсыбыттара. Тираж үрдээтэ — тыһыынчаттан үс тыһыынчаллыыннан бэчээккэ ыытыллар буолбуттар. Кыра да буоллар бэчээт төрүөтэ үөскээбит.
Онтон күүстээх кэм саҕаланан, барыта хонтуруолга тутуллан бэчээт сайдыыта тохтоон турардаах.
Сэбиэскэй сойуус ыһыллыбытын кэннэ хаһыаттар иккис тыыннарын ылан үлэлээн бараллар. Суруналыыстар урут идэлэрин күннэрин, ол эбэтэр бырааһынньыктарын, бастакы судаарыстыба хаһыата «Правда» тахсыбыт күнүгэр - ыам ыйын 5-гэр – бэлиэтиир эбит буоллахтарына, түөрүөтэ тохсунньу 13-һэ, ол аата Арассыыйаҕа бастакы хаһыат аан маҥнай тахсыбыт күнэ буолар.
Саха сирин бэчээтин устуоруйатын таарыйдахха, 1907 сыл от ыйын 1 күнүгэр «Саха дойдута» диэн Саха сиринээҕи уопсастыба, бэлиитикэ уонна литэрэтиирэ тиэмэлэригэр суруйуулардаах маҥнайгы хаһыат бастакы нүөмэрэ күн сирин көрбүт.
Эһиги болҕомтоҕутугар «Восточная Сибирь» 18 нүөмэрдээх киинэ студия каадырдара.
Бука бары бэчээт үлэһиттэригэр «И.С. Жараев аатынан Саха Республикатын норуоттарын аудиовизуальнай нэһилиэстибэтин национальнай киинин» аатыттан итии – истиҥ эҕэрдэ! Үлэҕит өрүү үтүө түмүктэннин, айымньылаах суолгут туруктаах буолуохтун!
1 минута
13 января