4761 подписчик
Хүрегечи аржааны
Чеди-Хөл кожуунда Таңды-Уула сыннарының эдээнде база Элегест хемниң бажында чер адаандан Хүрегечи аржааны сес черден сыстып аккан.
Ол аржаан шаандан бээр-ле чонга сурагжаан. Ынчалза-даа ооң суу хөлүн эрттир радиоактивтиг болгаш албан хайындыргаш, азы турнуктургаш ижерин сүмелеп турар.
Тус черниң тоолчургу чугаалары-биле алырга, куй иштинде аржаанның чанында хүрээ шыгжамыры чаштынган, а ол черлерге бир-ле чүве чидирген кижи ооң орнунга үнелиг чүүлдерни ап болур. Хүрегечиниң ээзи – аът мунган даңгына, аңаа чалбарып, сүзүглээрге, күзел-бодал албан боттаныр деп санаар.
#аржааннар
Около минуты
30 декабря 2025