10 подписчиков
⚡️“MA’RIFAT ULASHIB” LOYIHASI DOIRASIDA 13-MAKTABDA ADABIY-MA’RIFIY UCHRASHUV BO’LIB O’TDI
Yoshlarni kitob mutolaasiga jalb etish, badiiy savodxonlik darajasini oshirish orqali ularni vatanparvarlik va yurtimiz kelajagiga daxldorlik ruhida tarbiyalashga qaratilgan "Ma'rifat ulashib" loyihasi amalga oshirilmoqda.
Loyiha doirasida 2024-yil 11-oktabr kuni Toshkent pediatriya tibbiyot instituti tomonidan Toshkent viloyati Yangiyo'l tumanida joylashgan 13-son umumta’lim maktabida O'zbekiston Yozuvchilar uyushmasi a'zosi va zamonamizning taniqli adiblari bo’lgan Go'zal Begim, Toxir Doliyev hamda Abdirasul Jumaqulov kabi sevimli yozuvchilar ishtirokida "Ma'rifat ulashib" loyihasi doirasida maktab o'quvchilari va adiblar o'rtasida adabiy-ma'rifiy uchrashuv o‘tkazildi.
Tadbirda hamda Toshkent pediatriya tibbiyot institutining professor-o’qituvchilari, adiblar, mahalla faollari, maktab oʻqituvchilari, oʻquvchi-yoshlar va adabiyot ixlosmandlari faol ishtirok etdi.
Uchrashuvda adiblarning hayoti, ijodi va asarlari to‘g‘risidagi videorolik namoyish etilib, adiblarning chiqishlari tinglandi hamda adiblar va uchrashuv ishtirokchilari o‘rtasida debat ko‘rinishida muloqot tashkil etildi. Shuningdek, uchrashuvda adiblarning ijodlar va she’riy to’plamlaridan parchalar o’qib eshittirildi hamda adibning eng sara asarlari oʼquvchilarga mutolaa qilish uchun yetkazildi.
Uchrashuv koʻtarinki ruhda oʻquvchilar bilan jonli muloqot tarzida tashkil etildi. Oʻquvchilar ijodkorlar ijodidan bahramand boʻlib oʻzlarini qiziqtirgan savollarga javoblar olishdi. Faol qatnashgan oʻquvchilarga sovgʻalar ulashildi.
1 минута
21 октября