Найти в Дзене
107 подписчиков

Тынгысыз хезмәттәшебезнең уңышы


Шушы көннәрдә Башкортстанның төрле почмакларыннан журналистлар янә традицион үткәрелгән “Журфест”ка җыелды. Быел әлеге бәйрәм Караидел районының “Йолдызлы” физкультура-тернәкләндерү комплексында үтте.
Башкортстан Республикасы Башлыгы гранты ярдәмендә гамәлгә ашырылган бәйрәмдә массакүләм мәгълүмат чаралары вәкилләре мөһим темалар буенча фикер алышалар, тәҗрибә уртаклашалар һәм шул ук вакытта республиканың матур почмакларында ял итәләр.
Быел “Журфест”ның темасы “Медиагаилә” булды. Фестивальне ачу тантанасында Башкортстан Республикасының Матбугат Агентлыгы җитәкчесе вазифасын башкаручы Елена Арямнова барысын сәламләде һәм хезмәт алдынгыларын билгеләде.
Алар арасында безнең хезмәттәшебез дә бар. “Балтач таңнары” гәзитенең җаваплы секретаре Рима Вәлиевага Башкортстан Республикасы Башлыгы указы белән "Башкортстан Республикасының атказанган матбугат һәм киңкүләм мәгълүмат чаралары хезмәткәре" исеме бирелде.
Около минуты