27,3 тыс подписчиков
✒️ На нашем сайте запущен специальный раздел для газеты «Лух Авт». В нем публикуются новости на языке народов ханты. 👇
❄️ Ай куртата мосты пормас
Тутан вуйм унт хуратты кеша нэман актам нётты хоятат кашң куртан уӆӆат. Рупатаеӆ кентатты ураңан Асова, Ӆоркурта, Питӆора па Ващъёханова мобильной пост тут хуратты машинайт китсайт.
Округ куща нэмпи грант ох шитам ураңан, «Добровольная пожарная охрана» общественной организация щимащ машинайт ӆутты верытас. Ай куртата тамащ машина шеңк ӆэщаӆаӆ. Тут хураттыйн, эӆ сайӆаты ӆуматты сохатан, сопекатан, йиңк амартты помпайн па йиңк ӆытован, па па хорпи мосты пормасатан машина ӆыпиӆаӆ ӆэщатман уӆӆат.
Ӆуңа йиты еӆпийн, щита рупитты хоятат тут хуратты пормасатан па ӆуматты сохатан масайт. Щи вера район бюджет эӆты ӆапатсот щёрас соӆкува эсаӆса.
Ӆорвош районан, тамхатӆ катсот пеӆа няӆ хоят хольмаң пеӆа хуӆам дружинайн рупитаӆ. Тутан вуты унтат, хотат ёсты порайн, там хоятӆув пеӆа эваӆман нётапса ӆаваӆӆув.
Яӆап пормасатан тэкаптам юпийн, рупатаеӆ кенашак ат йиӆ. Вер сахат хоты, тут хуратты йиңкан тэкнаптаты ӆытовӆаӆ иса сормат ат хащӆат. Атом вер ант ат этаӆ.
Зоя Куртямова ханшам потар
Около минуты
2 августа 2024