16 подписчиков
🙄😓😜🤥😜😏 😏😀🤗😜
Бу замондан қочиб қаерга борай?
Кўксимда ханжарлар, дил - ғурбатхона.
Тиззангизга бир оз бошимни қўяй.
Алла айтиб беринг чарчадим ОНА!
Эҳ... мен - нодон инсон, ғўрлик қилибман.
Бугун хатолардан кўнглим - вайрона!
Ҳой-у ҳавас - бир пул, энди билибман.
Алла айтиб беринг чарчадим ОНА!
Иқрорман, кўп бора ўзим ўйладим.
Кўзлаганим эди - яшаш шохона.
Барини топдим лек ором топмадим,
Алла айтиб беринг чарчадим ОНА!
Чақалоқ бўлганим туйиб уҳлайин,
Чин сўзим: вақт-макон ҳозир бегона.
Болалик давримдай суйиб тинглайин,
Алла айтиб беринг чарчадим ОНА!
Мен аҳмоқ меҳримни кимларга бердим?
Санамлар ишқида бўлдим девона!
Энди афсусдаман ( нима ҳам дердим).
Алла айтиб беринг чарчадим ОНА!
Сизнинг аллангизда борлиқ мужассам
Эшитгим келмоқда кўзим гирёна!
Не қилай, мен унга сира тўймасам?!
Алла айтиб беринг чарчадим ОНА!
Каналимизга обуна бўлинг ва энг сўнгги янгиликларни кузатиб боринг
Около минуты
20 июля 2024