25 подписчиков
‼️‼️‼️ Փաշինյանի մանիֆեստը՝ պետականության ոչնչացման մասին
Նիկոլ Փաշինյանը հերթական, ըստ իս, վտանգավոր ելույթն է ունեցել:
«Պատմականության», «բացառիկության» շղարշի ներքո նա որպես հաղթած գաղափարախոսություն է ներկայացրել ժողովրդի օբյեկտիվ ֆոբիաները պատերազմի վերաբերյալ: Այս մարդը, ով դժբախտաբար երկրի ղեկավար է, անընդհատ կապիտուլյացիայի քաղաքականությունը, անատամ պացիֆիզմը համարում է իր, ժողովրդի գաղափարախոսություն:
Ես երբեք ռազմահայրենասիրական պսիխոզի, հայդատականության կողմնակից չեմ եղել, հակառակը՝ բովանդակ ուժերով պայքարել եմ վտանգավոր այդ հոսանքի դեմ:
Ճիշտ հակառակը՝ Փաշինյանը, նախապատերազմյան Փաշինյանը այդ գծի հետևողական կրող էր՝ իր քաղաքականությամբ, արկածախնդրությամբ դուռ բացելով Ալիևի ագրեսիվ պլանների, պատերազմի համար:
Պատերազմի ապտակից հետո, Ալիևից «ծեծվելուց» հետո, Փաշինյանը դարձել է ուլտրալիբերալ գլոբալիզմի խոսնակ ու ըստ էության՝ այս ընթացքը բերելու է նրան, որ նա մի օր «ապրելու գաղափարախոսությունը» հակադրելու է պետականություն ունենալու իրավունքին՝ հիմնավորելու համար, որ «իրական» Հայաստանը «ռուսական ճիրաններից» ադրբեջանա- թուրքական աքցանի մեջ հայտնված տարածքն է:
Դրա համար նա էս գլխից ամբողջովին լեգիտիմացնում է Ալիևի՝ Հայաստանը վերացնելու մոլագարությունը:
Արտաքին մարտահրավերը, ըստ Փաշինյանի, «Ադրբեջանն է՝ հենց հատկապես Ադրբեջանը, որի ասածը եթե շատ կարճ ձևակերպենք, հետևյալն է. ասում է՝ «դու ինձ չես թողել ես 30 տարի ապրեմ, ես էլ քեզ չեմ թողելու, որ դու ապրես, ու պիտի վրեժս քեզանից լուծեմ»:
Այլ խոսքով, Փաշինյանը լեգիտիմ է համարում Բաքվի ագրեսիան, որովհետև կարծում է, որ մենք Ադրբեջանին «չենք թողել 30 տարի ապրի»:
Այս կեղծիքի վրա Փաշինյանը կառուցում է «գաղափարախոսություն», որը պետականության ոչնչացման մանիֆեստ է:
Սուրեն Սուրենյանց
1 минута
24 июня 2024