106 подписчиков
“Без җиңү белән кайтырбыз”
Балтач районыннан МХОга мобилизацияләнгән “Абдулла повар” позывнойлы ир-егет ике елга якын инде алгы сызыкта тыныч тормыш өчен көрәшә.
Мин аның белән Русия көне уңаеннан Иске Балтач авылындагы Сабантуй мәйданында узган тантана мәлендә очрашып сөйләштем. Сөйләшүгә ачык райондашым белән сүз шундук бәйләнде. Каршымда максатчан, туры сүзле, тугрылыклы, үз иленең чын патриоты басып тора иде.
—Уфа шәһәрендә эшләп йөри идем. Гаиләм бар. Иптәшем белән үсмер улыбызны тәрбиялибез. Туганым МХОга чакырылды. Дусларым, хезмәттәшләремнең дә күпчелеге анда. Мин дә алар янында булырга тиешмен дидем дә, контрактка кул куеп, 2022 елның октябрендә мобилизацияләндем. Әле кыска вакытлы ялдамын, — дип үзе белән таныштырды.
“Абдулла повар”га 35 яшь. Чакыру буенча хәрби хезмәтне Мәскәү өлкәсендә Һава-хәрби көчләре гаскәрләрендә, яшь сугышчы курсларын Саратов шәһәрендә үтә. Ә МХО зонасында рядовой райондашыбыз десант-штурмлау бригадасында укчы сыйфатында хезмәт итә.
Около минуты
13 июня 2024