16 подписчиков
#ЛИРИКТАЙМ
Ассалому алайкум, қирқ ёш..
Негадир қарашинг ғалати.
Келувди бошқача кўрингим...
Қисмат бор-будимни талади.
Ким деб таништирай ўзимни,
Исмим айтолмайман чин дилдан.
Ошиқми, орифми, одамми -
Ҳаммасидан бор бир шингилдан...
Капалакдек йилларни қувиб,
Лаҳзаларда адашиб қолдим.
Сенга ҳадяларим кўп эди...
Бир қалбимни олиб келолдим.
Кечир, у ҳам эмас бус-бутун...
Ямоқ, ямоқ, минг битта ямоқ.
Шундай бўлиб қолди... осонмас,
Тириклардек қирқ йил яшамоқ.
Каналимизга обуна бўлинг ва энг сўнгги янгиликларни кузатиб боринг
Около минуты
3 июня 2024