107 подписчиков
Гүзәл Уразова: «Яшисе килә!.. Хәлем дә булмады...»
Мәскәүдә операция кичергәннән соң, Гүзәл Уразованың өенә кайткан. Тик... хәле ничек соң?
Соңгы арада җырчы социаль челтәрләрдә дә активлык күрсәтмәде. Күптән түгел ул беренче тапкыр сторисларга чыккан. «Хәерле көннәр, дуслар. Ниһаять, мин, беренче тапкыр дип әйтсәм дә дөрес булыр, элемтәгә чыктым. Моңа кадәр сторисларда да, туры эфирда да булмадым. Хәлем дә булмады, теләгем дә дигәндәй… Күпләрегез «югалттык» дип язасыз. Дуслар, бик зур рәхмәт барчагызга, яме. Миңа терәк булып, догаларыгызны укып, көч биреп торганыгыз өчен», – дип күз яшьләре аша сөйли ул. «Менә шундый авыр чакларда сезнең терәк булуыгыз канатландырып тора мине. Шуннан соң яшисе килә… Тизрәк бөтен чирләрне җиңеп, сезнең янга чыгасы килә. Иң кадерлесе шул – сезнең янәшәмдә булуыгыз», – дигән җырчы.
Исән-сау терелә күрсен инде!
Около минуты
16 мая 2024