12 подписчиков
⚡️TOSHKENT PEDIАTRIYA TIBBIYOT INSTITUTI TАLАBАLАR ILMIY JАMIYATINING А’NАNАVIY 52-RESPUBLIKА ILMIY АNJUMАNI O‘TKAZILDI
2024 yil 10 may kuni Toshkent pediatriya tibbiyot instituti Talabalar Ilmiy Jamiyatining "Yoshlar va biznesni qo‘llab-quvvatlash" yiliga bag'ishlangan “Bugungi kun ilmiy izlanishi yoshlar nigoxida mavzusidagi" 52-Respublika ilmiy-amaliy konferentsiyasi o’tqazildi.
Ilmiy anjumanda Respublika va xorijiy tibbiyot oliygohlaridan iqtidorli yoshlar klinik, tibbiy-profilaktik, ijtimoyi-gumanitar, biologik va fundamental fanlardan olib borayotgan ilmiy izlanish natijalarini ma'ruza, onlayin poster va tezislar koʻrinishida taqdim etib faol ishtirok etdilar. Anjuman jarayonida ilmiy izlanishga chanqoq yoshlarimiz oʻzaro bilim va tajribalar almashishdi. Anjuman oʻz navbatida Respublikamizdagi izlanuvchi va iqtidorli yoshlarni kashf etib, iqtidorli yoshlarni notiqlik mahoratini ortishiga katta mahorat maktabi boʻldi.
Anjumanda klinik, tibbiy-profilaktik, fanlardan 42 ta va ijtimoyi-gumanitar, biologik va fundamental fanlardan 46 ta yosh olimlarning ma'ruzalar anjuman qatnashchilariga taqdim etildi. “Eng yaxshi onlayin poster” uchun ta poster ma'ruza va “Eng yaxshi tezis” uchun ta tezis tavsiya etildi. Ilmiy anjuman toʻplamida chop etish uchun jami 816 ta tezislar topshirilgan boʻlib, 732 ta muhokamadan oʻtkazilib chop etishga iavsiya etildi.
Ilmiy anjumanda qilingan yosh olimlarning ma'ruzalaridan “Eng yaxshi ma'ruza” va “Eng yaxshi onlayin poster” uchun berilgan posterlar, “Eng yaxshi tezis” uchun tavsiya qilingan tezislar professor-oʻqituvchilardan iborat hakamlar hay'ati tomonidan baholandi.
Anjuman yakunida “Eng yaxshi ma’ruza” nominasiyada g'olib deb topilgan va so'vrinli o'rinlarni egallagan TPTI, TDSI, EMU UNIVERSITY, TTA, Qo’qon universiteti Andijon filiali, SamDTU, KIUT, Sankt-Peterburg Davlat pediatriya tibbiyot universiteti, ADTI tibbiyot oliy o’quv yurtlari 24 ta iqtidorli yoshlari turli nominasiyalarda I, II, III darajali diplomlar bilan taqdirlandilar.
Toshkent pediatriya tibbiyot instituti Talabalar Ilmiy Jamiyatining "Yoshlar va biznesni qo‘llab-quvvatlash" yiliga bag'ishlangan “Bugungi kun ilmiy izlanishi yoshlar nigoxida mavzusidagi" 52-Respublika ilmiy-amaliy konferentsiyasida faol ishtirok etgan Respublikamizdagi va xorijiy barcha tibbiyot oliygohlarni ilmga chanqoq barcha yoshlarini Institut rahbariyati va jamoasi tabriklaydi va kelgusidagi ilmiy izlanishlariga ulkan muvaffaqiyatlar tilaydi.
2 минуты
14 мая 2024