12 подписчиков
⚡️ADIBLAR XIYOBONIDA IJODIY UCHRASHUV BO'LIB O'TDI
Joriy yilning 4-may kuni «Adiblar xiyoboni»da Berdaq nomidagi Qoraqalpoq davlat universiteti jamoasi tomonidan Qoraqalpoq adabiyotida oʻchmaz iz qoldirgan Qoraqalpoq xalqining buyuk vakillari Berdaq Gʻargʻabay oʻgʻli, Ajiniyaz Qosibay oʻgʻli, Ibrayim Yusupov, Toʻlepbergen Qayipbergenovlarning hayot yoʻli va ijodiy namunalaridan tayyorlangan «Sahro bulbullari nomini olgan adiblar» shiori ostida konsert dasturini namoyish qiladi.
Ushbu «Adiblar xiyoboni»da boʻlib oʻtgan tadbirda ToshPTI professor-oʻqituvchilari, tyutorlari va talaba yoshlari ham ishtirok etishdi. Dastur soʻnggida Qoraqalpogʻistonlik mehmonlar, Oʻzbekiston Yozuvchilar uyushmasi masʼullari va Xalq shoirlari hamda talaba-yoshlar Berdaq haykali poyiga gul qoʻyish marosimi boʻldi va ijodiy uchrashuv oʻtkazildi. Haykal poyidagi adabiy-maʼrifiy tadbirda mehmonlar va adiblar qoraqalpoq xalq shoiri Berdaq ijodi haqida soʻzlab berishdi.
Soʻng ToshPTI talaba-yoshlari Berdaq ijodidan namunalar oʻqib berdilar hamda ToshPTI Berdaq boʻyicha ilmiy-adabiy maslahatchisi D. Choriyeva, 2-Pediatriya va tibbiy-biologiya fakulteti dekani oʻrinbosari M.Alimova, oilaviy shifokorlik-1, JT, FM, kafedrasi assistenti G.Koshimbetovalar maʼruza qildi. Tadbir koʻtarinki ruhda oʻtdi.
1 минута
8 мая 2024