12 подписчиков
TOSHPTI RЕKTORI VA RЕSPUBLIKA NЕFROLOGIYA MARKAZI DIRЕKTORI ANDIJON VILOYATIDA XIZMAT SAFARIDA
Toshkent pediatriya tibbiyot instituti rektori, Respublika ixtisoslashtirilgan nefrologiya va buyrak transplantatsiyasi ilmiy-amaliy tibbiyot markazi direktori, professor Botir Daminov boshchiligida institut va markaz xodimlaridan iborat shifokorlar jamoasi 2024-yil 2-4 may kunlari Andijon viloyatida xizmat safarida bo‘lmoqda.
Xizmat safari davomida institut va markaz mutaxassislari tomonidan Andijon viloyati ko‘p tarmoqli tibbiyot markazi, Qurg‘ontepa tuman tibbiyot birlashmasi, Qurg‘ontepa tuman tibbiyot birlashmasining 59-son Qishloq oylaviy poliklinikasi, Andijon viloyati kup tarmoqli tibbiyot markazining maslaxat poliklinikasi, Andijon viloyatining 5-son poliklinikasi, Andijon viloyatining 8-son poliklinikasi, Andijon viloyatining 7-son poliklinikasiga o‘rganish ishlarini amalga oshirish, aholimizga yuqori malakali tibbiy xizmat ko‘rsatishga ko‘maklashish, oilaviy poliklinikalar, oilaviy shifokorlik punktlari, markaziy ko‘p tarmoqli poliklinikalar hamda shifoxonalarda mahalliy aholiga tibbiy xizmat ko‘rsatish sifati va samaradorligini oshirish, joylarda shifokorlar va tibbiyot xodimlariga amaliy va metodik yordam qilish maqsadida tashrif buyurildi.
Oliygoh va markaz mutaxassislari joylarda aholimizga yuqori malakali tibbiy xizmat ko‘rsatishga ko‘maklashish maqsadida Qashqadaryo viloyatining mahalla va tibbiyot muassasalarida 50 nafardan ziyod bemorlarni yuqori malakali tibbiy ko‘rikdan o‘tkazib, o‘z maslahatlarini berib amaliy jarayonda faol ishtirok etmoqdalar.
Poytaxtlik mutaxassislar tomonidan Andijon viloyati ko‘p tarmoqli tibbiyot markazi va poliknikalarda faoliyat yuritayotgan 30 dan ortiq urolog, nefrolog va gemodializ bo‘yicha shifokor-mutaxassislari hamda poliknikalardagi UASH va patronaj xamshiralarga “Surunkali buyrak kasalligiga olib kelishi mumkin bo‘lgan xavf omillari bor kasallar bilan ishlash va kasallikni erta profilaktikasi” mavzusida seminar mashg‘ulot o‘tkazildi.
1 минута
3 мая 2024