273 подписчика
Стояше днесь при Кресте Пречистая Девая,
Умиленный плач сподвизаше, Сладчаший глас испущаше.
О Свете Пресветлый, Заре присносущная,
Где Твоя зайде красота светолучная невечерняя?
Добровидный Сыне Мой, сладчайшая доброто,
Где Твой вожделенный лица зрак, краснейший, Свете Мой?
О Божия мудросте, церковная сладосте,
Что се вижу зде преславное видение ужасное?
О Свете Великий, сладчайший Иисусе,
Где Твоя зайде красота, возлюбленне Сыне Мой?
Увы мне, Свете Мой, дражайшая доброто,
Како Тя узрю Христе Царю на Кресте Тя распинаема?
О Солнце пресветлое, сокрый ныне лучи своя,
Видя своего Создателя неправедно зде ныне страждуща.
О Иосифе преблаженне, сойми тело Иисусово,
Положи е в гробе нове изсечене из камене.
Где Твой зрак пресладкий, сладчайшая доброто,
Како погребу Тя, Сыне Мой, безсмертнаго и предвечнаго?
__
Фото от Вакуленко Ю.А📸https://www.flickr.com/gp/mitropoliakubanru/3711D33287
Около минуты
3 мая 2024