Найти тему
11 подписчиков

Гўзал БЕГИМ

ТИББИЁТИМИЗ ОСМОНИ

30 апрел куни Тошкент медицина педриатрия(САМПИ) институтида бўлдик.

Институт ректори Ботир Даминовнинг тафаккури, билим даражаси, талабаларга қалбан яқинлиги ажойибу ғаройиб ҳол эди.

У ердаги самимий ва улуғвор руҳ, ўқитувчилардаги юксак салоҳият, талабалардаги ижодкорлик руҳи институтга куч, истара ва кайфият бахш этаётгандек.

Таниқли болалар шоираси Кавсар Турдиеванинг узоқ йиллардан буён шу даргоҳда ишлаётгани, 1-проректор Муборак Аҳмедованинг самимияти ва камтарлиги, Институтнинг қийматини белгиловчи ёшлардан Ёшлар Иттифоқи етакчиси Ҳасанхўжа Абидовнинг ёшларга хос энергияси, завқи, интилувчанлиги ҳамда ўқитувчиларининг ўз касбини ҳаддан ортиқ севиши, талабаларининг қиёфаларида акс этган тафаккур ваматонат суврати институт қаддини баландларга кўтараётгандек...

Шифокор билимли ва салоҳиятли бўлса одамлар саломатлиги таъминланади. Бу институнинг ректоридан тортиб, ходимларигача ўзига ишонган, одампарвар ва қалбпарвар эканлиги кўринди.

Хуллас, баъзан оиламизда бир одам касал бўлса, унинг дардини тортишишга иродамиз етмайди. Шифокорлар эса...

Миллатга дадил, тиббий маданиятга эга шифокорларни етказиб берувчи табаррук даргоҳга миллионлаб халқимиз номидан ташаккурлар айтгим келди. Чунончи, тиббиётимиз осмони бўлган бу мовийликка ҳар биримиз тикиламиз.

1 май, 2024 йил
1 минута