183 подписчика
Старый стиль
18 апреля
СРЕДА
Новый стиль
1 мая
Страстна́я седмица. Великая Среда
Тропарь на Великую Среду, глас 8
Се Жени́х гряде́т в полу́нощи,/ и блаже́н раб, Его́же обря́щет бдя́ща,/ недосто́ин же па́ки, Его́же обря́щет уныва́юща./ Блюди́ у́бо, душе́ моя́,/ не сно́м отяготи́ся,/ да не сме́рти пре́дана бу́деши,/ и Ца́рствия вне затвори́шися,/ но воспряни́ зову́щи:/ Свят, Свят, Свят еси́, Бо́же,// Богоро́дицею поми́луй нас.
Кондак на Великую Среду, глас 4
Па́че блудни́цы, Бла́же, беззако́нновав,/ слез ту́чи ника́коже Тебе́ принесо́х;/ но молча́нием моля́ся припа́даю Ти,/ любо́вию облобыза́я пречи́стеи Твои́ но́зе,/ я́ко да оставле́ние мне, я́ко Влады́ка пода́си долго́в,/ зову́щу Ти, Спа́се:// от скве́рных дел мои́х изба́ви мя.
Постный день.
Прп. Иоа́нна Солунского (Фессалоникийского), ученика прп. Григо́рия Декаполита (820–850).
Кондак преподобному Иоанну Солунскому, глас 4
Воздержа́нием, о́тче, житие́ украси́в, и плоть умертви́л еси́,/ те́мже и победи́л еси́ вра́жия прило́ги, преблаже́нне,/ и преше́л еси́ к Бо́гу в безско́рбный и ве́чный живо́т,/ я́ко досто́ин насле́дник, Иоа́нне,// Ему́же моли́ся спасти́ся нам.
Мчч. Ви́ктора, Зо́тика, Зино́на, Акинди́на и Севериа́на (303);
святителя Космы́ исп., епископа Халкидонского, и преподобного Авксе́нтия (815–820);
мч. Иоа́нна Нового из Янины (1526).
Сщмч. Виссарио́на Селинина, пресвитера (1918);
прмц. Тама́ры (Сатси), игумении (1942).
Иконы Божией Матери: Максимовская (1299).
Тропарь Пресвятой Богородице пред иконой Ея «Максимовской», глас 4
Днесь све́тло красу́ется сла́внейший град Влади́мир,/ ра́достно соверша́я, Влады́чице,/ пра́здник явле́ния Твоего́ святи́телю Макси́му, в нем бы́вшаго,/ о не́мже ны́не воспомина́юще/ и моля́щеся Тебе́, взыва́ем си́це:/ о Пречу́дная Влады́чице Богоро́дице,/ моли́ся Преве́чному Архиере́ю – Сы́ну Твоему́,/ да непоколеби́му утверди́т Це́рковь Правосла́вную,/ град наш Влади́мир и всю Ру́сскую зе́млю/ в ми́ре сохрани́т// и спасе́т в правове́рии ду́ши на́ша.
Кондак Пресвятой Богородице пред иконой Ея «Максимовской», глас 6
При́зри на нас, Всепе́тая Богоро́дице,/ возсия́й просвеще́ние сердце́м помраче́нным/ и озари́ ста́до Твое́, Пречи́стая,/ ели́ка бо хо́щеши и мо́жеши,/ я́ко Ма́ти су́щи Зижди́теля,/ и возопи́й моля́щим Тя:/ Аз есмь с ва́ми,// и никто́же возмо́жет на вы.
Величание Пресвятой Богородице пред иконой Ея «Максимовской»
Велича́ем Тя,/ Пресвята́я Де́во,/ и чтим о́браз Твой святы́й,/ его́же святи́тель Макси́м даде́ гра́ду Влади́миру в покро́в// и всем ве́рным во спасе́ние.
2 минуты
30 апреля 2024