11 подписчиков
⚡️TOSHPTIDA 2024-YIL 2-CHORAK UCHUN OLIY TA’LIMDAN KEYINGI TA’LIMGA MUSTAQIL IZLANUVCHILIKGA QABUL E'LON QILINDI
Toshkent pediatriya tibbiyot instituti Oliy ta’limdan keyingi ta’limga mustaqil izlanuvchilik doktorantura (DSc) va mustaqil izlanuvchilik tayanch doktorantura(PhD)ga 2024-yil 2-chorak uchun hujjatlarni topshirish onlayn tarzda oliy ta’limdan keyingi ta’limni muvofiqlashtirishning yagona elektron tizimi – www.phd.mininnovation.uz sayti orqali amalga oshirilishi va quyida keltirilgan hujjatlarning jildi shaxsiy papka ko'rinishida institutning Ilmiy - pedagogik kadrlar tayyorlash bo‘limiga topshirilishini ma'lum qiladi.
Hujjatlar qabuli 2024-yil 15-apreldan – 15 mayga qadar davom etadi.
Talabgorlardan Vazirlar Mahkamasining 2017-yil 22-maydagi 304-son qaroriga muvofiq belgilangan hujjatlarni tizimga kiritish talab etiladi:
1. Talabgor ma'lumotnomasi (объективка);
2. Pasport;
3. Mehnat daftarchasi;
4. Diplomlar;
5. Ilmiy maqola va tezislar ro'yxati (3.4) va ularning nusxalari;
6. Ishtirok etgan ilmiy loyihalar;
7. Davlat mukofotlari;
8. Ish joyidan tavsifnoma;
9. Ariza.
Mustaqil izlanuvchilik — falsafa doktori (Doctor of Philosophy (PhD) yoki fan doktori (Doctor of Science (DSc) ilmiy darajalariga da’vogar izlanuvchilar uchun ishlab chiqarishdan ajralmagan holda tashkil etiladigan oliy malakali ilmiy va ilmiy-pedagog kadrlar ixtisosligi bo‘yicha oliy ta’limdan keyingi ta’lim shakli.
1 минута
23 апреля 2024