Найти тему
16 подписчиков

#Xушхабар


18-25 апрель кунлари Озарбайжоннинг Боку шаҳрида бўлиб ўтган “Данcе Калейдоскоп” халқаро фестивал-танловида Ўзбекистон Республикаси Маданият вазирлиги тасарруфидаги болалар мусиқа ва санъат мактабларининг иқтидорли ўқувчилари иштирок этиб, фахрли ўринларни қўлга киритишди.

Танлов натижаларига кўра “Миллий рақс”, “Фольклор”, “Замонавий рақс” ҳамда “Халқ рақслари” номинациялари бўйича ўзбекистонлик ёшлар 1,2,3-ўринларни эгаллаб, диплом ҳамда эсдалик совғалари билан тақдирланишди.

Қувонарлиси, халқаро танлов ғолиблари орасида жиззахлик ёш истеъдодлар ҳам бор. Опа-сингил Мубина ва Зарина Маматқуловалар Жиззах шаҳар 19-сонли мактаб ўқувчилари. Улар 3 йилдан буён Жиззах шаҳридаги 1-сонли мусиқа ва санъат мактабида хореограф Мохруза Пухарова раҳбарлигида рақс сирларини ўрганишмоқда.

Мубина ва Зарина “Миллий рақс” йўналишида 2-ва 3-ўринларни қўлга киритдилар. Ёш иқтидор эгаларига келгуси танловларда ҳам омад тилаймиз!
Около минуты