11 подписчиков
TOSHPTI PROFESSOR-O'QITUVCHILARI TOMONIDAN O'ZBEKISTON DAVLAT SAN'AT VA MADANIYAT INSTITUTIDA TALABALAR UCHUN SEMINAR O'TKAZILDI
Toshkent shahridagi barcha tibbiyot va madaniyat sohalaridagi oliy ta'lim muassasalari TTJlarida talabalarning bo‘sh vaqtlarini mazmunli o‘tkazish bo‘yicha ishlab chiqilgan hamkorlikda o‘tkaziladigan ma’naviy-ma’rifiy tadbirlar va ijodiy uchrashuvlar reja–jadvaliga muvofiq 2024-yil 12-mart kuni O‘zbekiston davlat san’at va madaniyat institutining Talabalar turar joyida Toshkent pediatriya tibbiyot instituti Jamoat salomatligi va sog‘liqni saqlashni boshqarish kafedrasi professor-o‘qituvchilari tomonidan "Sog‘lom turmush tarzi", "Gigiyenik aspektlar salomatlik garovi" "Yoshlar buyuk kelajagimiz" mavzularida profilaktik seminar o'tkazildi.
Tadbirda Toshkent pediatriya tibbiyot institutining 1-Pediatriya va xalq tabobati fakulteti tyutori Sh.N.Nazmiyev, Jamoat salomatligi va sog‘liqni saqlashni boshqarish kafedrasi professor-o‘qituvchilari - D.D.Mirdadayeva, Z.R.Sattarova, M.A.Odilova, O'zbekiston yoshlar ittifoqining institutdagi boshlang'ich tashkiloti a'zolari va O‘zbekiston davlat san’at va madaniyat instituti talabalari ishtirok etdi.
O‘zbekiston davlat san’at va madaniyat instituti Talabalar turar joyida tashkil etilgan seminarda talabalarga so'glom turmush tarzi, shaxsiy gigiyena, sog'lom ovqatlanish to‘g‘risida tushuntirishlar berildi.
1 минута
18 марта 2024