16 подписчиков
😓😜🤥😜😏😀
ОНАМ БЎЛМАСИН БЕТОБ
Сўрамайман сендан кўп,
Юзларида нур, офтоб.
Ё Оллоҳим эшит ҳўп,
Онам бўлмасин бетоб.
Қўзларидан олма нур,
Фариштами ёки ҳур.
Соддагинам ҳам ғамҳўр,
Онам бўлмасин бетоб.
Ширин таом едирган,
Сўрасам жонин берган.
Не иш қилсам кечирган,
Онам бўлмасин бетоб.
Оқартирдим сочини,
Баъзан тўкдим ёшини.
Ғам қилмагин бошини,
Онам бўлмасин бетоб.
Кеч қолсам пойлар эшик,
Юрагида минг ҳадик.
Қанчалар бедор қилдик,
Энди бўлмасин бетоб.
Кузатаман наридан,
Онам анча қариган.
Чарчаганда баридан,
Улар бўлмасин бетоб.
Кунларига ярайин,
Соғлигида қарайин.
Маккага оборайин,
Онам бўлмасин бетоб.
Жиззах ҳақиқати" ва "Джизакская правда" газеталари расмий каналларига аъзо бўлишни унутманг.
Около минуты
3 марта 2024