На Госпожу Пречистую Деву Марию уповаю ради щедрот и милости Ея: очи Ея на нищих призирают и руце Ея к сиротам и вдовицам простерты; взыщите Ю от юности вашея и прославит вас пред лицем Бога ходатайство Ея к престолу Его, отымет множество наших грехов, милость и утешение небесное всегда Она нам приносит. О, Приснодево Преблагословенная, простри к нам крепкую десницу Твою, со благоговением ю лобызаем, и не отврати от нас лице Твое.