649 подписчиков
Кайбычтан махсус операция зонасына чираттагы гуманитар ярдәм озатылды. Гуманитар ярдәм төягән зур йөк машинасын район Советы яныннан, хәерле юл теләп, озатып калдылар. Хезмәт коллективлары эш сәгатьләрен иртәнге сәгать сигездә шушы машина янына җыелды. Район башлыгы Альберт Рәхмәтуллин махсус операция зонасына гуманитар ярдәмне туплауда үз өлешен керткән барлык район халкына тирән рәхмәтен җиткерде.
Бу юлы егетләребезгә өч машина — бортлы «УАЗ», буханка «УАЗ» һәм «Нива» машиналарын җибәрәбез. Бортлы «УАЗ» автомобилен Колаңгыдан эшмәкәр Илнар Саттаров тапшырды. Тагын ике машина — шәхси эшмәкәрләр Рөстәм Хикмәтуллин һәм Раил Нигъмәтовтан. Аларга барлык халкыбыз исеменнән рәхмәт белдерәм. Бәйрәм алды көннәрендә оештырылган хәйрия концертыннан җыелган акчага хәрбиләргә кирәк-яраклар сатып алынды. Ватан алдындагы бурычларын үтәүче якташларыбызның һәрберсенә аерым посылкалар әзерләнде. Мәктә укучылары язган сәлам хатлары егетләребезнең күңелен җылытыр, — диде ул.
Гуманитар ярдәмне шәхси эшмәкәр Рөстәм Хикмәтуллин үзенең йөк машинасында алып китте. Башкарма комитетның машина йөртүчесе Фәнис Кәлимуллин идарә иткән икенче машинада Чүти авыл җирлеге башлыгы Петр Тараканов, Олы Кайбычтан авылдашыбыз Динар Мотыйгуллин юлга кузгалды.
1 минута
11 марта 2024