12 подписчиков
⚡️TOSHPTI ILG'OR TEXNOLOGIYALAR VA STRATEGIK TASHABBUSLAR MARKAZI MUTAXASSISLARIDAN YANA BIR G'ALABA
2024- yil 16-18 fevral kunlari ML Community va Mohirdev asoschisi Anvar Narzullayev ko'magi asosida "AI Hackaton - 2024" bo'lib o'tdi. Hackatonda Sun'iy intellekt Mashinaviy o'rganish yo'nalishida talaba-yoshlar o'rtasida qiziqishlari, ularni ushbu sohadagi tajribalarini oshirish va yangi start-up g'oyalar yaratishga qaratildi.
Hackaton 3 kun davomida bo'lib o'tdi. Unda institutimiz ITvST markazida mutaxassislaridan tashkil topgan Shifo AI va ICMEDAI jamoalari faol qatnashishdi. Shifo AI jamoasi o'zlarining "DiebefootScan" (Диабетическая стопа) - komputer ko'rish asosida oyoq yaralaridan diabet kasalligini bor yoki yo'qligini bashorat qilish imkonini beruvchi iOS ilovalari bilan taqdimot qildilar. ICMEDAI jamoasi esa yana bir ijtimoiy loyiha - "Buyrak AI" loyihasi - mashinaviy o'rganish orqali surunkali buyrak va siydik-tosh kasalliklari rivojlanish xavfini bashorat qiluvchi android mobil ilovalari bilan qatnashdilar.
Qizg'in o'tgan taqdimotlardan so'ng ikkala jamoa ham sovtinli o'rinlar, xususan ICMEDAI jamoasi 3-o'rin va Shifo AI guruhi faxrli 1- o'rin bilan taqdirlandilar. Jamoalar kelajakda rivojlantirish uchun 10 mln, birinchi o'rin sohiblari esa 30 mlnlik qiymatida investitsiya ko'rinishidagi mukofotlar bilan taqdirlandilar.
1 минута
20 февраля 2024