11 подписчиков
⚡️ALISHER NAVOIY TAVALLUD KUNI MUNOSABATI BILAN TOSHPMI PROFESSORI ISHTIROKIDA TADBIR TASHKIL ETILDI
Buyuk mutafakkir shoir Alisher Navoiy tavalludi munosabati bilan har yili 9 fevral sanasi yurtimizda katta shodiyona sifatida bayramona kayfiyatda nishonlanib kelinadi.
Nevrologiya, bolalar nevrologiyasi va tibbiy genetika kafedrasi mudiri prof Madjidova Y.N. tashabbuslari bilan tashkil etilan tadbir ham mazkur sanaga bag‘ishlab o‘tkazildi.
Tadbirda taʼkidlanganidek, Alisher Navoiyning bebaho ijodiy-ilmiy merosi nafaqat xalqimiz, balki jahon adabiyoti, milliy madaniyatimiz va adabiy-estetik tafakkurimiz rivojida alohida o‘rin tutadi.
Ulug‘ shoir o‘zining sheʼriy va nasriy asarlarida yuksak umuminsoniy g‘oyalarni, ona tilimizning beqiyos so‘z boyligi va cheksiz ifoda imkoniyatlarini butun jozibasi va latofati bilan namoyon etib, millionlab kitobxonlar qalbidan munosib o‘rin egallagan.
Alisher Navoiy umri davomida o‘zbek xalqi va madaniyati manfaati uchun tinmay mehnat qildi, durdona asarlar yaratgani, bir so‘z bilan aytganda, yurt ravnaqi, xalq farovonligi yo‘lida beqiyos hissa qo‘shgani taʼkidlab o‘tildi.
Около минуты
13 февраля 2024