106 подписчиков
Көнтүгеш авылында МХОдагы якташларга окоп шәмнәре әзерлиләр
Авыл халкы җиңүне якынайту хакына көченнән килгәннең барын да эшләргә тырыша.
Көнтүгеш волонтерлары әзерләгән окоп шәмнәренең бер партиясе гуманитар ярдәм белән МХО зонасына озатылды инде. Бүген алар чираттагы партияне өлгертү белән мәшгуль. Изге эшне оештыручы — авыл мәдәният йортының мәдәни чараларны оештыручысы Асия Мостафина.
—Бушаган банкыларны Иске Балтач авылындагы гомум туклану оешмаларыннан да алып кайтабыз, интернет челтәре аша танышлардан да җыябыз. Окоп шәмнәрен тулыландыру өчен туң май булса эш тагын да тизләнер иде, — ди Асия Минислам кызы.
Көнтүгештә яшәгән пенсия яшендәге хатын-кызлар изге эшкә теләп кушылдылар.
Алдагы көннәр яхшы хәбәрләр китереп, барлык ир-егетләребез сау-сәламәт хәлдә әйләнеп кайтсыннар иде.
Около минуты
6 февраля 2024