649 подписчиков
Кайбычның урман хуҗалыгы хезмәтчәннәре узган елга йомгак ясады
Район Советының актлар залында үткән отчет җыелышында ТР урман хуҗалыгы министрының беренче урынбасары Илгиз Зарипов, башкарма комитеты җитәкчесе Алексей Макаров, урманчылары, авыл җирлекләре башлыклары катнашты.
Төп доклад белән чыгыш ясаган “Кайбыч урманчылыгы” җитәкче-урманчысы вазифаларын башкаручы Фәнис Гыйльметдинов узган елгы эшчәнлекләре белән таныштырды, агымдагы елга билгеләнгән планнары турында сөйләде.
Министрлык вәкиле Кайбыч урманчылары эшчәнлеген уңай бәяләде. Урман инспекторларына закон бозучыларга карата беркетмәләр төзү кирәклегенә басым ясады.
Алексей Макаров урманнарны саклау өлкәсендәге эшчәнлекләре өчен урман хуҗалыгы хезмәтчәннәренә тирән рәхмәтен белдерде. Җыелышта хезмәтләрендә уңышларга ирешкән урманчылар һәм урманчылар династияләрен бүләкләделәр. Кайбыч махсус орлыкчылык урман хуҗалыгы эшчесе Миләүшә Галимова министрлыкның Мактау кәгазе, Кайбыч урман хуҗалыгы урманчысы Александр Горшков Рәхмәт хаты белән бүләкләнде. Татарстар Республикасы урман хуҗалыгын үстерүгә керткән өлешләре өчен урманчылар династияләре - Хаффазовлар һәм Шәмсиевларга ТР Урман хуҗалыгы министрлыгының рәхмәте белдерелде.
Около минуты
5 февраля 2024