107 подписчиков
Яхшы хәбәр: 1 февральдән Россиядә ана капиталын һәм башка социаль түләүләрне арттырачаклар
Бу хакта Дәүләт Думасы спикеры Вячеслав Володин сөйләгән.
Россиядә ана капиталын һәм башка социаль түләүләрне индексациялиләр. Тиешле закон 1 февральдән үз көченә керә, дип сөйләгән Дәүләт Думасы спикеры Вячеслав Володин Дәүләт Думасының Telegram-каналында. «Ана капиталы беренче балага 630,4 мең сум һәм икенчесенә 833 мең сум тәшкил итәчәк. Моннан тыш, 7,4%ка 40 тан артык төрле пособие һәм компенсация үсә. Дәүләтнең өстенлеге — барлык социаль йөкләмәләрне тулысынча тәэмин итү. Моның өчен кирәкле акча федераль бюджетта каралган», — дип хәбәр иткән Володин. Шулай ук микрофинанс оешмалары эшчәнлеген контрольдә тоту турындагы закон үз көченә керә. Володин сүзләренчә, бу карар бурычлыларның хокукларын комплекслы якларга мөмкинлек бирәчәк.
Около минуты
29 января 2024