16 подписчиков
#Воҳа_бўйлаб 🟦🟦🟩🟩
🇺🇿ДЎСТЛИК: 🗄ДЎСТЛИК туманида қишлоқ хўжалиги тизими ходимлари ва фермерлар иштирокида ўтган йиғилишда вилоят ҳокимининг ўринбосари Ойбек Ашурматов жорий йилнинг 5 январида қабул қилинган “Қуйи бўғинда сув ресурсларини бошқариш тизимини такомиллаштириш ҳамда сув ресурсларидан фойдаланиш самарадорлигини ошириш чора-тадбирлари тўғрисида”ги Президент қарорининг мазмун- моҳияти ҳақида сўзлади.
Хусусан, давлатимиз раҳбари томонидан қабул қилинган қарорда истеъмолчиларга сув етказиб бериш, сув етказиб берувчиларга яратилаётган имкониятлар, экинларни суғоришда тежамкор технологиялардан фойдаланаётган деҳқон ва боғбонларга бериладиган солиқ имтиёзлари ўз аксини топган.
Шунингдек, қарорда сув хўжалиги ташкилотлари томонидан қишлоқ хўжалиги маҳсулотлари ишлаб чиқарувчиларга сув етказиб бериш хизматлари учун тўловлар бекор қилиниши, Сув хўжалиги вазирлигининг туман ирригация бўлимлари ҳамда махсус хизматлари негизида “Сув етказиб бериш хизмати” давлат муассасалари ташкил этилиши, сувни тежайдиган суғориш технологияларини жорий этиш бўйича лойиҳаларни амалга ошириш учун қишлоқ хўжалиги маҳсулотлари ишлаб чиқарувчиларга suvkredit.uz платформаси орқали 5 йил муддатга, шундан 2 йиллик имтиёзли давр билан йиллик 14 фоиз ставкада кредитлар ажратилиши, сувни тежайдиган суғориш технологияларини жорий этиш бўйича харажатларнинг бир қисмини қоплаш учун субсидиялар қишлоқ хўжалиги маҳсулотлари ишлаб чиқарувчиларга ушбу технологиялар жорий қилинган йилнинг ўзида тўлиқ миқдорда ажратилиши белгилаб қўйилган.
Ойбек Ашурматов Президент қарори барча хўжаликларда ўрганилиб, унинг ижроси юзасидан тадбирлар белгилаб олиниши зарурлигини таъкидлади.
1 минута
17 января 2024