17 подписчиков
#SArkazM 🟥🟥🟥🟥
Ўзбекча аниқлик
Келадиган одам телефонда “Мана, кепқолдим” дейди. Чунки у билади, эртароқ айтиб, алдаб қўймаса, камида 14 минут кутиб қолади. Кутаётган одам эса алдашаётганини билади ва “кепқолдим”га ишонмай, “келдим” дегандан кейин ҳам 16 минут ўтиб, шошмай чиқади.
Учрашув соат 15:00 га белгиланади. Бир тараф иккинчи тарафнинг кечикишини тахмин қилиб, 15 минут кечикиб боради ва яна 17 минут кутади. Сабаби, иккинчи томон биринчи томонни ярим соат кечикади, деб ўйлаган бўлади.
Тадбир 11:00 га дейилади. Бориб ярим соат кутасан, бошланмайди. Эътироз билдирсанг, "одамлар кечикиб келишини ҳисобга оляпмиз" дейишади. "Одамлар" ҳам боплайди, ўзи ярим соат кечикиб бошланган тадбирга 12:05 да келишади.
Қизиғи, ҳеч ким хижолат бўлмайди.
Жамият, вазият шундайки, ўз вақтида келган одам доим асабийлашиб кутади. Доим!
Около минуты
16 января 2024