106 подписчиков
Башкортстанга күрше төбәктә көчле сөяк белгече бар
Ул бөкрене турайта, тайган буыннар, чыккан сөякләрне урынына утырта…
Татарстанның Арча районы Гөберчәк авылында яшәүче Радик Солтанов меңнән артык кешенең сәламәтлеген кайтарган. Кайберәүләр хәтта катлаулы операцияләргә дә бармый калган. Юк, ул табиб түгел, тракторчы. Шуңа да карамастан, аның басудан эштән кайтуын көтеп торучылар аз түгел. Авыруларны кире бормый, тик кояш баегач, килмәскә куша. Радик Солтановка дәвалау сәләте әнисе Минсәгыйрәдән күчкән. Аның әбисе дә чыккан сөякләрне утырта торган булган. Радик кечкенә чагыннан ук әнисенең ничек дәвалавын күреп үскән. Теге яки бу сөякне ничек утыртасы дип сораулар да биргәләгән. Әнисенең кулының көче җитми башлагач, аңа булышырга туры килә. Күрәзәче дә, өшкерүче дә түгел, ниндидер шифалы мазьлар да ясап сатмый.
Около минуты
23 января 2024