16 подписчиков
📚#Китоб_тақдимоти
“ОБОД МАСКАНИМ — ЗАФАРОБОДИМ”
Зафаробод тумани ҳокимлиги ҳамда Маънавият ва маърифат марказининг туман бўлими томонидан таниқли журналист Аҳмад Болибеков қаламига мансуб “Обод масканим — Зафарободим” китобининг тақдимоти ўтказилди. Унда меҳнат фахрийлари, маҳаллалардаги ёшлар етакчилари, кутубхона ходимлари ва аъзолари иштирок этишди.
Тадбирда сўз олган Маънавият ва маърифат марказининг туман бўлими раҳбари Ҳуррият Исроилова туманнинг 50 йиллик тарихига бағишланган мазкур нашрда хўжаликларнинг ташкил этилишида фидойи меҳнат қилган деҳқонлар ҳақида зарур маълумотлар борлигини, шунингдек, халқ депутатлари туман кенгаши котибияти мудири Баҳром Ҳамроқулов, кутубхоначилар Дилфуза Махамматова, Саидмурод Рўзиев, меҳнат фахрийлари Яхшигул Холматова, Тинчлик Бердибеков, Болиқул Ҳайдаровлар ҳам ушбу китоб ҳақида ўзларининг фикр-мулоҳазаларини билдиришди. Китобда чўлни обод масканга айлантиришга ҳисса қўшган элпарвар кишиларнинг хизматлари улуғланганлиги ёшларга ибрат бўлиши, ҳаётдан ўтганларнинг исмлари келтирилган саҳифалар уларнинг яқинлари, фарзандлари ва набиралари учун шараф бағишлаши таъкидланди.
Тақдимот сўнгида муаллиф китобнинг чоп этилишида яқиндан ёрдам берган ҳамкорларга миннатдорчилик изҳор этиб, яхшиларни ёд этишда, аҳолини китоб мутолаасига бўлган ҳурмати ва қизиқишини оширишда оз бўлсада ҳиссаси қўшилганлигидан бахтиёр эканлигини билдирди. Эсдалик учун иштирокчиларга китоблар совға қилинди.
Сувон РАҲИМОВ.
Зафаробод тумани.
Jizzaxnews расмий манбалари
1 минута
23 декабря 2023