649 подписчиков
Кайбычта «Туым җондызы» бәйге-фестиваленең сайлап алу туры уза
Иртәгә, 1 декабрьдә, Олы Кайбыч мәдәният йортында керәшен җыруларын яшь башкаручыларның республикакүләм «Туым җондызы» бәйге-фестиваленең сайлап алу туры уза. Әлеге чара 10.00 сәгатьтә башлана.
ТР мәдәният министрлыгы, Яков Емельянов исемендәге мәдәни үзәк, керәшеннәрнең «Бәрмәнчек» дәүләт фольклор ансамбле, республика керәшен иҗтимагый оешмасы тарафыннан оештырылучы бәйге-фестивальнең максаты – халык җырларын оста башкаручыларны, талантлы яшьләрне ачыклау, аларга алга таба да үсү өчен шартлар тудыру, толерантлыкны ныгыту.
"Туым җондызы" түбәндәге номинацияләр буенча үткәрелә:
«Аутентик вокал» (соло);
«Халык вокалы» (соло);
«Фольклор-эстрада вокалы» (соло);
«Фольклор-этнографик коллектив»;
«Халык җырларын башкаручы вокаль ансамбль»;
«Халык җырының заманча интерпретациясе»,
«Этник халык инструментлары ансамбле».
Около минуты
30 ноября 2023