12 подписчиков
#o'zmaqsadlaringnibil
BOLALAR QALBIDAN JOY OLGAN SHOIRA!
15 noyabr kuni Toshkent pediatriya tibbiyot institutida bolalarning sevimli shoirasi, olima va tarjimon institutning O‘zbek tili va adabiyoti kafedrasi mudiri, dotsent Kavsar Turdievaning 65-yillik yubileyiga bag‘ishlangan ma’naviy-ma’rifiy tadbir tashkil etildi. Tadbirda institutning yoshlar masalalari va ma’naviy-ma’rifiy ishlar bo‘yicha prorektori M.Ahmedova so‘zga chiqib, institut rektori, professor B.T. Daminovning tabrigini o‘qib eshittirdi.
Shundan so‘ng O‘zbek tili va adabiyoti kafedrasi dotsenti, filologiya fanlari doktori Gulandom Quramboeva shoiraning hayoti va ijodi to‘g‘risida tvqdimot qildi. Tadbirda ta’kidlanganidek, Kavsar Turdieva o‘zbek bolalar adabiyotining zabardast, ham kamtarin, zahmatkash vakilasidir.
Ma’rifiy kechaga tashrif buyurgan O‘zbekiston xalq shoiri Xurshid Davron, ijodkorlar Orif To‘xtash, Farog‘at Xudoyqulova, Dilfuza Qarshiboeva, Dilshod Rajab, “Nishona” to‘garagi a’zolari, shoira Kavsar Turdievaning shogirdlari va yaqinlari uning ijodiy faoliyati, asarlarining mazmun-mohiyati haqida so‘z yuritdi.
Ma’rifiy kechada shoiraning she’rlariga bastalangan qo‘shiqlar kuylandi. Ijodkorlar va pedagoglarning iliq fikrlari tinglandi. Shuningdek, tadbir davomida institutimizning 7 nafar talabalarining ilk kitoblari va jamoaviy to‘plam taqdimoti ham namoyish etildi.
Serqirra shoiraga O‘zbekiston Yozuvchilar uyushmasi, Respublika ma’naviyat va ma’rifat markazi, turli nashriyotlarning esdalik sovg‘alari hamda tashakkurnomalari taqdim etildi.
1 минута
16 ноября 2023