11 подписчиков
#o'zmaqsadlaringnibil
INSTITUT YOSHLAR ITTIFOQI TASHABBUSI BILAN TALABALARGA MASTER-KLASS O'TKAZILDI
2023-yil 9-noyabr kuni Toshkent pediatriya tibbiyot instituti Talabalar shaharchasida O'zbekiston yoshlar ittifoqining institutdagi boshlang’ich tashkiloti tomonidan talabalarning bo’sh vaqtini mazmunli tashkil etish hamda ularni kasb-hunarga yo’naltirish maqsadida “Sog’lom turmush tarzi” shiori ostida master-klass o'tkazildi.
Master-klass davomida talabalarga yurakning tekshirish usullari - auskultatsiya, perkussiya, palpatsiya, qon bosimi va pulsni o’lchash texnikasi bo’yicha mutaxassislar tomonidan ma'lumotlar berildi va talabalarning amaliy ko'nikmalarni mustahkamshga qaratilgan mahorat darsi o’tkazildi.
Mazkur master-klass O'zbekiston yoshlar ittifoqining institutdagi boshlang’ich tashkiloti tomonidan taklif etilgan institutning Ichki kasalliklar, nefrologiya va gemodializ kafedrasi dotsenti A.K. Tursunov, Patologik fizioligiya, gistologiya kafedrasi mudiri, dotsent S.A.Begmanov hamda Otorinoloringologiya, bolalar otorinolaringologiyasi, bolalar stomotalogiyasi kafedrasi xodimlari G.R.Shukurova, F.X. Yakubova va 2-bosqich magistranti J.B. Xamdamov hamda Farmokologiya va fiziologiya kafedrasi professor-o'qituvchilari tomonidan o’tkazildi.
Master-klass jarayonida O'zbekiston yoshlar ittifoqining institutdagi boshlang’ich tashkiloti qoshidagi Volontyorlik jamoalari tomonidan auskultatsiya, perkussiya, palpatsiya tekshirish usullari ko’rsatib berildi.
Tadbir davomida talabalar o’zlarini qiziqtirgan kasalliklari bo’yicha mutaxassislarga savollarni berib, ularga tegishli javoblarni oldilar.
1 минута
9 ноября 2023