Ко исто́чнику приснотеку́щему милосе́рдия, Пречи́стей Де́ве Богородице, притеце́м, лю́дие вси, свяще́нницы же и и́ноцы, му́жие, и же́ны, и ча́да, здра́вии и боля́щии, в покая́нии вопию́ще и уми́льно глаго́люще: Влады́чице, помози́ гре́шным рабо́м Твоим, яви́ я́ко Блага́я сла́ву Твою́, при́сно потщи́ся умилосе́рдитися на ны, испроси́ти очище́ние душ и теле́с наших от Исто́чника жи́зни на́шея, Бо́га, Его́же родила́ еси́, еди́на Благослове́нная.