Шушы көннәрдә “Торатау” Конгресс-холл сәхнәсендә башкорт теле һәм әдәбияты укытучыларын хөрмәтләү һәм бүләкләү тантанасы булды. Башкортстанның мәгариф һәм фән министры Илдар Мәүлитбирдин укытучыларга, белгечләргә хөрмәт белдереп, республиканың төрле шәһәр һәм районнарыннан килгән тел һәм әдәбият укытучыларына сертификатлар тапшырды. Алар арасында Имәнлекул урта мәктәбенең татар теле һәм әдәбияты укытучысы Айсылу Мәлих кызы Бигнованың да булуы сөенечле.