44 подписчика
21 августа Православие чтит день памяти Мирона — чудотворца, епископа Критского
Григория Синаита и Емилиана, перенесение мощей Зосимы и Савватия Соловецких.
Тропарь святителю Мирону Критскому, глас 4-й
Правило веры и образ кротости воздержания учителя яви тя стаду твоему яже вещей истина; сего ради стяжал еси смирением высокая, нищетою богатая, отче священноначальниче Мироне, моли Христа Бога спастися душам нашим.
Кондак святителю Мирону Критскому, глас 2-й
Божественный гром, труба духовная, веры насадителю и отсекателю ересей, Троицы угодниче, великий святителю Мироне, со Ангелы предстоя присно, моли непрестанно о всех нас.
Тропарь преподобному Григорию Синаиту, глас 3
Боже́ственныя благода́ти яви́лся еси́ вмести́лище,/ трезве́нием ума́, всеблаже́нне,/ и моли́твы у́мныя све́щник неугаси́мый./ Те́мже и нас воздвиза́еши к де́ланию тоя́, Григо́рие,/ боже́ственными словесы́ твои́ми./ Óтче преподо́бне,/ Христа́ Бо́га моли́// дарова́ти нам ве́лию ми́лость.
Кондак преподобному Григорию Синаиту, глас 3
На Сина́и пре́жде а́нгельски пожи́в,/ последи́ на Афо́не сла́вно сия́еши./ Все́х бо ко творе́нию моли́твы боже́ственныя/ сло́вом твои́м му́дро и де́лом, о́тче науча́еши./ Сего́ ра́ди тя почита́ем,// я́ко Бо́жия сла́вы сосу́д, Григо́рие.
Тропарь, глас 4
По́стническое и равноа́нгельское житие́ ва́ше,/ преподо́бнии отцы́ Зосимо и Савватие ,/ вселе́нней позна́ны сотвори́ вас;/ чудодея́нии разли́чными, Богоно́снии, просвеща́ете// ве́рою призыва́ющия вы и чту́щия честну́ю па́мять ва́шу.
Кондак, глас 2*
Христо́вою любо́вию уязви́вшеся, преподо́бнии,/ и Того́ крест, на ра́мо взе́мше, понесли́ есте́,/ боже́ственне вооружи́вшеся на неви́димыя враги́/ и непреста́нныя моли́твы, я́ко копие́ в рука́х, иму́ще,/ кре́пко победи́ли есте́ бесо́вская ополче́ния;/ благода́ть Госпо́дню прие́мше цели́ти неду́ги душ и теле́с/ притека́ющих к ра́кам честны́х моще́й ва́ших,/ чуде́с лучи́ испуща́ете всю́ду./ Тем зове́м вам:/ ра́дуйтеся, преподо́бнии отцы́ Зоси́мо и Савва́тие,// мона́хов
удобре́ние.
1 минута
21 августа 2023