14 подписчиков

Мансуржон Хўжаев

(Ижодидан)

Ҳозир кўчага чиқсам, кўчамиздаги болачалар пластик, ёғоч қуролларни кўтариб уруш, уруш ўйнаб юришибди...😭

Она замин бағри кенг, мунис,

Сокин турар бағрин ўйса ҳам,

Яхши яхши ўйинлар ўйна,

Уруш, уруш ўйнама, болам...

Катталарнинг нафси бир дунё,

Дейди, Бори менда бўлсин жам,

Болам, ахир сенсан мусаффо,

Уруш, уруш ўйнама, болам...

Ана кўргин титрайди дунё,

Ҳу, юртларда ерпарчин олам,

Мен бу ерда ғамдаман гуё,

Уруш, уруш ўйнама болам...

Сен тенгилар кўзларида ёш,

Ухлолмайди, тунлар хотиржам,

Тутунлардан кўринмас Қуёш...

Уруш, уруш ўйнама, болам...

Бир онанинг икки фарзанди,

Не талашар, нияти мубҳам,

Эй, қоракўз, кел жигарбандим,

Уруш, уруш ўйнама, болам...

Қўшни боғга отмагин тошлар,

Дўстлар билан ўйна жамулжам,

Катталардек қилмай Урушлар...

Уруш, уруш ўйнама, Болам...

Около минуты

25 июня 2023