24 подписчика
МОЛИТВА ДЛЯ ИСПОВЕДИ И СПИСОК ГРЕХОВ
Читайте ОРИГИНАЛ без искажений и дополнений на ФОТО на древнерусском.
Комментарий-транслитерация (для ленивых во вред):
Господи Боже нашь, Петрови и блудници слезами грехы оставивша, и мытаря своя прегрешениа познавша, и оправдавъ приими исповедания раба твоего, еже ти согрехши(?) волная грехы и неволныя, словом, и делом, и помышлениемъ, яко благ презря Ты бо единъ власть имаши отпущати грехы, яко Бог милостемъ, и щедротамъ еси, и Тебе славу възсылаемъ Отцю и Сыну и Святому Духу, ныне и присно и въ векы веком, аминь.
Поновление. Съгреших Господи Боже исповедаю тися(?), азъ грешныи, и ты Отче приклони ухо Твое къ мне, послушаи яже согреших. Съгрешилъ есмь, во лжи, в оклеветании, въ зависти, во осужении, во ярости въ гневе, во скупости, во буесловии, во срамословии, во резоимании(?), во презорьстве, во сребролюбии, во злопомнении, во чародеистве, во обьядении, во пьяньстве, во блевании, во боюзавласырвание(?), во татбе, во не милосердии, во величании, в похвале, во празнословии, во сквернословии, во лености, во непокорении, во роптании, в небрежении молитвы, во братоненавидении, в прекословии, во обиде, во не правде, въ запрении чюжаго имения, въ граблении. Съгрешиъ по вся дни раноядениемъ и питием, и позод(?), и во святыя дни таиноядениемъ, священнокрадениемъ. Съгреших в помышлении на вся неподобная дела, въ блуде, во прелюбодеистве, во целовании неподобнемъ, во истечении семянныя скверны, во сне, и на яве, и во всех помыслех злых. Съгреших безаконновах пред Тобою Господи, елико отречено Святыми Книгами, во святом Крещении, и во всемъ томъ солгах и преступих. Отче прости мя, Господи очисти мя грешнаго и помилуи мя, а ты Отче во всемъ прости мя и благослови.
P.S.: Читайте оригиналы рукописей на ФОТО на древнерусском! Мы в своих «комментариях» (помогая новичкам прочитать) можем и навредить - мы можем ошибаться, не принимайте наш текст за Правду Божию!
Источник: Сол. 1085/1194 Требник 1504, об 282
С уважением ко всем ищущим Правду,
Читатель-редактор.
Слава Господу Исусу Христу!
1 минута
9 июня 2023