11 подписчиков
MAGISTRATURA BITIRUVCHILARIGA DIPLOMLAR TOPSHIRILDI
Toshkent pediatriya tibbiyot institutida 2022/2023 o‘quv yili magistratura bitiruvchilariga tantanali diplomlar topshirish marosimi bo‘lib o‘tdi.
An’anaga muvofiq, ushbu marosimni institut rektori, professor B.T. Daminov ochib berdilar. Institut rektori bitiruvchilarni tabriklab, ularga yangi va katta hayot yo‘lida muvaffaqiyatlar tilab, ularga diplomlarni topshirdilar.
Tadbirda institut professor-o‘qituvchilari va rahbariyati, ota-onalari va do‘stlari ham qatnashib, bitiruvchilarga o‘z tabriklarini bildirdilar.
O‘z o‘rnida, magistratura bitiruvchilari ham rektor boshchiligidagi institut jamoasiga ko‘rsatilgan e’tibor, berilgan bilim va ko‘nikmalar, sabr-toqat va har biriga yordam berishga tayyorligi uchun chin dildan minnatdorchilik bildirdilar.
Tadbir yakunida bitiruvchilarning institut rahbariyati va professor-o‘qituvchilari bilan birgalikda fotosessiyasi bo‘lib o‘tdi.
Video muallifi: @_tashpmi
Около минуты
18 июня 2023